SAN SADURNÍ
Ben adornáu de birtúts
d´ oro, perles y rubís,
"Tienmos a la memoria
glorioso San Sadurní".
De birtúts ben rebutíu
dan bida de santidat,
bas se per Deu elegíu
ta per Fransa predicá.
Ya destináu a Tolosa
bas se bispe de berdat,
plleno de birtut gloriosa
t´ els ídolos desterrá.
Pero la chen mol rabiosa
al Pretó le ban contá,
que fèbes aquèlles còses
llebán la chen a resá.
Mol enfadáu el Pretó
al que punchabe la chen,
ba maná que comensasen
a arrastratos pel solèro
per carrères de Tolosa.
La cabesa se separe
a, final d´ ixo tormento,
y s´ acabe la agonía
y Sadurní quede muerto.
Trasso dan amó tos done
la sepultura a la tèrra,
y salliben grans ulós
y moltos milagros obrabe,
y la chen dan debosión
a resatos allí anabe.
Yèren temps de Maximiano
cuan tos ban martirisá,
y la chen mol ferborosa
a la tumba ba a resá.
Ista tèrra tos adore
la preñada tos impllore,
le donéts consolasión
y le remediáts els dolós.
El día uno de mayo
te recòrden a Sesué,
ba tota la chen a misa
a l´ ermita de Criscuén,
y si sall el día bueno
buena fiesta allí farán,
no faltán la coca y bino
cantarán y ballarán,
y cuan s´ acabe la tardi
tal llugá sen tornarán.
------
No hay comentarios:
Publicar un comentario