PRÁUS AMARILLOS
Cuan encara no yei grillos
dan la fllo de les chicoines,
se biste el práu d´ amarillo
tal mès d´ Abril a Benás.
Les chicoines ta febrèro
naixen dan bllancos grillóns,
als montóns dels tabonèros
t´ensalades buenes son.
Ta marso saquen les fuélles
que son buenes ta berdura,
y te rebaixen la sanc
aflluixante la gordura.
Ixes fllos tan amarilles
bòles bllanques formarán,
de simientes bolandères
que per al aire anirán.
La simiente de chicoina
cai poc a poc al solèro
coma paragües ubierto,
no yei un palmo de tèrra
sin simiente de chicoina,
que s´ esparrique per tot
y ten cai hasta a la boina.
Dan chicoines el bestiá
creixerá molto mès sano,
no farán pèdres al fèche
ni calrá beterinarios.
Y se díu en castellano
que ye "diente de león",
y así les tením a mano
les bedèm desde el balcón.
--------
No hay comentarios:
Publicar un comentario