GOZOS DE SAN MARCIAL
(Traducidos al benasquès)
Ya que bas se, San Marsial,
buen seguidó del Siñó,
en el nom del Redentó
llíbranos de tots els mals.
Desde mol chicorrón
anabéts chunto als dos pays
siempre detrás de Chesús,
t´ apénre la lley de Dios,
y tenibéts molto afán
en sabela dan primó.
En nom de Dios, San Marsial
llíbranos de tots els mals.
Estábes entre els moséts
que Cristo ba bendesí,
y de la fe, sen buen fillo,
moltes birtúts practicabes,
dan amor anchelical
que ba premiá el Salbadó
En nom de Dios, San Marsial,
llíbranos de tots els mals.
Bas doná a Chesús contento
les dos truites y sinc pans,
y Ell els ba multipllicá
ban minchá els afamegáus,
d´ isto maná selestial
que ta tots ba prepará.
En nom de Dios, San Marsial,
llíbranos de tots els mals.
Bas se de Chesús amigo
y per Ell mol apresiáu,
sen de tot aixó testigo
Lázaro resusitáu,
cuan la cara sepulcral
ba pénre un nuebo coló.
En nom de Dios, San Marsial,
llíbranos de tots els mals.
Sen cristiano obedesebes
a tots els debès a fè,
y a Chesús en el sopá
bas serbí dan humildat,
la suya carne inmortal
en pan ba torná su amor.
En nom de Dios, San Marsial,
llíbranos de tots els mals.
Dan fraternal interès
bas sàbre está serbín,
al buen Maestro
y le bas llabá els peus,
coma amigo mol leal
le achudabes dan ardó.
En nom de Dios, San Marsial,
llíbranos de tots els mals.
Bas sufrí dan la Pasión
detensión , llargo Martirio,
bedén la chen dan delirios
la Muerte y Crusifixión,
del Calbario les roquères
tot tremolán se trencaben.
En nom de Dios, San Marsial,
llíbranos de tots els mals.
Estábets resán dan po
els seguidós de Chesús,
cuan ba arribá bictorioso
el Maestro resusitáu,
que ficánse a aquèll local
ba apllená de respllandó.
En nom de Dios, San Marsial,
llíbranos de tots els mals.
,
L´ alma se us ba entristesé
y tamé el pechos cristiáns,
cuan Ell, llebantán les mans
ba puyá cara tal sielo,
pero antes prometeríe
qu´ un Consoladó inbiaríe.
En nom de Dios, San Marsial,
llíbranos de tots els mals.
Coma dos lluengues de foc
baixe l´ Espíritu Santo,
dan a buestra bos encanto
y a la fè sacra regada,
tos ba infundí siensia eterna
ta mès luchá dan baló.
En nom de Dios, San Marsial,
llíbranos de tots els mals.
Bas predicá dan San Pedro
nueba fè per Antioquía,
bets tínre mols seguidós
y pronto ba arribá el día,
que a Roma bas asistí
y el encargo episcopal,
dan honor bas resibí.
En nom de Dios, San Marsial,
llíbranos de tots els mals.
Yères obispo a Limoges
de Antioquía patriarca,
y tota aquèlla comarca
se rinde als buestros sermóns,
conbersión universal
bas conseguí dan cllamó.
En nom de Dios, San Marsial
llíbranos de tots els mals.
El martirio de Baleria
y el milagro de Hildeberto,
còses que se dan per sierto
ya yèren prou materia,
ta que fueses inmortal
de l´ Illesia Dotó experto.
En nom de Dios, San Marsial,
llíbranos de tots els mals.
Sigue la nuestra esperansa
en l´ apóstol San Marsial,
un gran santo milagrèro
que tot u alcanse del sielo,
y de la Corte Selestial
gòse de fabor supremo..
En nom de Dios, San Marsial,
llíbranos de tots els mals.
-------
No hay comentarios:
Publicar un comentario