LA NABIDAT
Yei un gran respllandó
a micha nit,
y la chen espantada
brinque dels llits.
¿Ye que mos sall el Sol
están denit?.
¡No sigues carallot!.
Ha naixeu a Belén
un nen chicot,
y coma tot s´apllene
de respllandós,
"Ya tenim dan nusáltros
al Redentó".
La tèrra yère triste
dan manto bllanco,
ya se torne galana
y pllena d´ encanto.
Del sielo baixen anchels
de sen en sen,
y caminen per la tèrra
entre la chen,
y pronto tots procllamen
la gloria a Dios.
"Ya tenim dan nusáltros
al Redentó".
Els pastós demaitino
fan l´ ixabrot,
y sen ban a adorá
al nen chicot,
llebarán de regalo
un buen moltón,
y farán de rodilles
l´ adorasión.
Montáus a camèllos
tres reys binrán,
quiáts per una estrella
hasta ixo portal,
oro, insiendo y mirra
le ofreserán,
y posáus de rodilles
l´ adorarán.
Desde la minchadèra
dan palla als peus,
al bou y la mula
Chussep y María
se mire el nen,
y les fa la risalleta
ye mol contén.
Ya ye plleno el sielo
de respllandós.
"Tenim entre nusáltros
al Redentó".
Ixo nen qu´ hara mire
als pays contén,
als trenta y tres ans
morirá per la chen,
la corona d´ espines
le posarán,
y a una crus de madèra
el cllabarán.
Dan llarga agonía
se morirá,
pero al terser día
resusitará,
y habrá redimíu
a la chen del mon,
del foc eterno
que el demonio tiene
allá al aberno.
------
No hay comentarios:
Publicar un comentario