LES SISERÈRES FLLORIRÁN
Les siserères fllorirán
a les tanques espeses,
y les falsilles tornarán
a penchá ñedos dels alèros,
que ya ye primabèra
derrè quede l´ ibèrt
la néu, turbères y chelèra.
En istes cllares nits
pllenes d´ estrelles,
algún amor perdéu
al son de les esquélles,
desde la tèrra pllana
mos portarán les güélles.
La estasión de les fllos
fa renaixé la bida,
y pénche de les ròques
la bllanca siemprebiba,
mol pronto arribará
Pascua Fllorida.
La yerba bèrt dels práus
cambiará al bllanco
de les fllos de llis,
y mols díes pllourá
posánse el sielo gris
binrá alguna tronada,
que sigue solo d´ aigua
y no caigue pedregada.
Les formigues apareserán
ta fèse els caminéts,
buscá el minchá mol lluen
puyánsene als abréts,
pllantánye el polegón
qu´ enroscará les fuélles,
y molto el cuidarán
ta que les fague asucre
tal formiguèro gran.
Casáus els moixonéts
pronto querrán fè ñedo,
rebolotián per els abréts
piulán s´ entenen,
despertarán la chen
y buscarán cuquéts.
Querríe se un moixonet
ta bolá ben demaitino,
bedén desde mol altèro
els práus, càses y caminos,
y cuan escalfase el sol
aniríe t´ una èra,
a buscame buena sombra
a dichós d´ una figuèra,
u m´ asercaríe al río
ta bandiame a una salguèra.
Dan la mía moixoneta
mos daríen el piquet,
y mos acorroñaríen
els díes de molto fret,
moltes rames llebaríen
ta fèmos un buen ñedet.
-------
No hay comentarios:
Publicar un comentario